(UPDATE) Pamilya sang 22-anyos nga babaye nga gin-abduct sa Ajuy, maga-execute sang affidavit of non-interest sa kaso

Ajuy, Iloilo–Indi na interesado nga magpasaka sang kaso ang pamilya sang 22-anyos nga babaye nga gin-abduct halin sa ila balay sa Central, Ajuy sang Setyembre 18 sang gab-i.

Suno kay PCI Charlie Sustento, hepe sang Ajuy Police Station, maga-execute sang affidavit of non-interest sa kaso ang pamilya bangud posible nga naka-communicate na ang babaye. Na-establisar man suno kay Sustento nga may ka-relasyon ang babaye nga negosyante sa Sara. Ginhingadlan ni Sustento si Rene “Boy” Zerrudo nga kasado karelasyon sang babaye nga gin-abduct.

Sa impormasyon halin sa pamilya, ginpahayag nga nagtapos na ang relasyon sang duha duha ka tuig na ang nakaligad pero may ebidensiya suno kay Sustento nga sige pa ang ila komunikasyon.

Gindeny sang mga Zerrudo nga may labot si Rene Boy sa pagkuha sa babaye. Ginhinambit man ni Sustento nga daw drama ang natabu bangud nagakadlaw pa ang pamilya sang babaye sang ginbalikan sang mga pulis.

Tutukan na lang sang mga pulis ang pag-egsister sang armado nga mga tawo sa Quinto Distrito nga amo ang nagkuha sa babaye. (AGB)