Task force, gintukod sang IPPO agud mag-imbestigar sa kamatayon sang preso sa Passi City Police Station

Iloilo — Nakasugod na imbestigar ang task force nga gintukod sang Iloilo Police Provincial Office agud mag-imbestigar sa kamatayon sang preso sang Passi City Police Station nga ginkastigo base sa autopsy result.  Suno kay IPPO Director Marlon Tayaba, ginapamunuan ang task force ni Chief Inspector Remy Alavaren, head sang Provincial Investigation and Detective Management.  Lakip sa ginatutukan sang task force ang posible kapaltahan sang kapulisan kag salabton sang Passi City police kun ngaa napatay si Jomar Lorizo sang Sibacungan, Lambunao samtang ara sa ila kustodiya.

Ginpahayag ni Tayaba nga naga-sentro ang imbestigasyon sa autopsy result ni Medico Legal Officer Dr Owen Libaquin nga nagapakita nga malala ang kasamaran ni Lorizo.  Nagahimo man sang timeline krimen ang IPPO sugod sa pag-aresto kay Lorizo matapos gintudlo nga nagbuno kay PO2 Chito Aguilario assign sa Passi City Police Station nga nagresponder sa rambol sa convenience store tubtub gindala siya sa ospital kag napatay.  Mahibaluan suno kay Tayaba kun sin-o ang mga involved sa pagkastigo kay Lorizo kon mareview ang footages sang CCTV cameras police station.  Ilakip man sa imbestigasyon ang chief of police sang Passi City. (JoMaque)