Bangud Sang Pulitika Tiyu Gintiro-Patay Sang Hinablos Nga Barangay Kagawad Sa Concepcion, Iloilo

Municipality of Concepcion – Patay ang tiyo sang gintiro sang iya barangay kagawad nga hinablos sa Brgy. Dungon, Concepcion, Iloilo.

Suno kay Chief Inspector Abner Jordan, hepe sang Concepcion Municipal Police Station, ginpamangkot sang suspetsado nga ginkilala kay Rodan Demate ang biktima nga si Ricardo Brillantes, 67-anyos kun botohan niya siya sa eleksyon.

Hinali lang nagkuha sang pusil kag gintiro ni Demate si Brillantes suno kay Jordan bangud wala nagsabat ang biktima sa pamangkot sang suspetsado.

May pilas sa tuo nga dughan ang biktima. Gilayon naman nga nagpalagyo ang suspetsado.

Suno kay Jordan, may daan nga hiligutanun ang biktima kag suspetsado may kaangtanan sa ginsuportahan nila nga mga kandidato sang nagligad nga eleksyon.

(ATT)