Spokesman Ni Mayor Jed Mabilog Nga Si Atty. Mark Piad, Nagpa-Athag Sa Paghimos Sang Mga Gamit Sang Alkalde Sa Mayor’s Office

Iloilo City – Nagpaathag ang spokesperson ni mayor Jed Patrick Mabilog may kaangtanan sa ginpahayag pagpanghimos na sang mga gamit sang alkalde sa iya opisina.

Suno kay Atty. Mark Piad, ginpahigad lang ang mga gamit ni mayor Mabilog agud mahimo sayluhan ni acting mayor Joe Espinosa III kun iya luyag.

Ginpanginwala man ni Atty. Piad ang impormasyon nga ginpang-uli na ni Mabilog ang mga gamit nga gin-issue sang gobyerno sa iya.

Nanindugan si Atty. Piad nga indi magresign sa posisyon si Mabilog nga nag-extend sang iya sick leave bangud sang type 2 diabetes kag stress.

(ATT)