Halos tanan nga specifications sa terms of reference sa kontrata para sa paghatag sang mga manok sa 4Ps beneficiaries, wala nasunod base sa report sang Internal Audit Service

Iloilo City — Halos wala nasunod ang tanan nga specifications sa terms of reference sa kontrata sang City Government kag Foodwealth Agro-Vet Trading sa programa nga paghatag sang mga manok sa 4Ps beneficiaries nga ginpa-agi sa City Agriculture Office.  Pila lang sa violations sang supplier base sa report ni Internal Audit Service Officer Atty. Joan Montaño, ang specification nga dapat makadeliver sang 2, 500 ka manok sa kada distrito sa sulod sang 45 ka adlaw. Wala man nacomply ang specification nga dapat 300 grams ang bug-at sang kada manok bangud sa validation, kalabanan sa nadeliver ang mga pisu. Wala pa gid nasunod ang ratio nga isa ka sulog kag apat ka munga bangud pisu pa ang ginpanghatag.

Iga-forward ni acting Mayor Joe Espinosa III ang report ni Atty. Montaño kag City Agriculturist Romulo Pangantihon sa City Legal Office agud makonsulta sa masunod nga tikang sang syudad. Wala pa nakapasa sang report kay Espinosa si GSO head Joren Sartorio bilang chairman sang Bids and Awards Committee. (JoMaque)