61st IB sang Philippine Army, maga-conduct sang training sa mga suldado agud mahapos maka-identify sang IED kasunod sang pag-ambush sang NPA sa Janiuay

Iloilo — Maga-conduct sang training ang 61^st Infantry Battalion sang Philippine Army sa mga suldado agud mahapos nga maka-identify sang improvised explosive device nga ginabutang sang mga katapo sang New People’s Army.  Isa ini sa mga tikang suno kay Lieutenant Colonel Sisenando Magbalot Jr, commanding officer sang 61^st IB agud malikawan ang kapareho nga insidente sa Barangay Pangilihan, Janiuay sang nagligad nga semana.  Plano man ni Magbalot nga mag-deploy sang dugang nga puwersa sa nasambit nga barangay para sa seguridad sang mga pumuluyo.  Daku nga factor suno sa iya ang suporta sang mga residente sa barangay bangud base sa nakalab-ot sa ila nga impormasyon, may nasiplatan nga mga wala nakilala nga lalaki pila ka adlaw antes ang insidente.  Sa pihak sang natabu, nagpasalig naman si Magbalot nga magapadayon ang militar sa ila Community Support Program sa kabaranggayan sa probinsya. (JoMaque)