November 30, 2021

Former warden sang Iloilo District Jail sa Nanga Pototan, nagbalibad nga magkomento sa mga litrato nga nagapakita sang mga kontrabando sa visiting area sang prisuhan

Read Time:53 Second

Iloilo — Nagpamalibad nga magpa-interview si Jail Senior Inspector Abner Zamora, anay warden sang Iloilo District Jail sa Nanga, Pototan agud maghatag sang iya komento sa mga litrato nga ginpahayag kuha sang 2015 kag makita ang mga kontrabando sa visiting area.   No comment lang ang sabat ni Zamora sang gintawgan sang Aksyon Radyo sa iya cellphone agud kuntani kuhaan sang pahayag matapos gintudlo sang live-in partner sang preso nga si Jobern Abantao nga ginpasugtan man sila sang anay warden agud magpasulod sang cellphone, tablet, ido, bisekleta kag botelya sang beer. Nakita man sa mga pictures nga nakasulod sa facilidad ang gamay nga bata ni Abantao. Una na nga ginpabutyag ni BJMP 6 Director Rex Delarmente nga ginadumili bisan sa visiting area ang mga kontrabando nga nakita sa mga litrato. Si Zamora ang ginbuslan ni Jail Supt Jhon Montero sang Oktubre 1 lang subong nga tuig.  Halin sang nagpungko si Montero, makaduha ka beses na sila nga nagmandu sang greyhound operation sa diin nakumpismar ang mga sachets sang suspected shabu, cellphone kag iban pa nga kontrabando. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PDEA 6, handa magbulig sa BJMP 6 sa pagtapna sang pagsulod sang mga kontrabando sa mga prisuhan
Next post Acting City Mayor Joe Espinosa III, nag-athag nga wala sang City wide nga ban sa ukay-ukay