Operator sang Light of Glory Taxi, naghingyo sa LTFRB nga pasugtan sila nga magsukot sang service fee

Iloilo City–Nag-file sang petition sa Land Transportation Franchising and Regulatory Board ukon LTFRB 6 si Atty. Joseph Vincent Go, operator sang Light of Glory Taxi, agud maghingyo sang otoridad para sa pagsukot sang service fee sa mga nagapa-book sa ila unit.

Ginrason ni Atty. Go nga magakadtu sa operational expenses sang kompaniya ang service fee pareho sang sweldo sa mga operators kag bayad sa ginagamit nga landlines, cellphones kag handheld radios.  Sa ila petition suno kay Go, pagasukton sang 50 pesos nga service fee ang mga nagapa-book nga pasahero sa syudad kag 100 pesos naman sa probinsya.

Apang magadepende gihapon sa LTFRB kun aprobahan ukon panubuan ang ginahingyo nga service fee.

Hiwaton sa Nobyembre 10 ang hearing sa petition. (AGB)