City Administrator Hernando Galvez, nagsorry sa nadelay nga sweldo sang mga job hires

Iloilo City — Nagsorry si City Administrator Hernando Galvez sa pila ka job hires nga nadelay ang sweldo sang nagligad nga bulan.         Nagpasalig si Galvez nga ginatinguhaan sang syudad nga masolbar ang problema kag indi na masulit. Ginpa-athag sang City Administrator nga nadelay ang sweldo sang 42 ka job hires sa Iloilo Slaughter House sang nagligad nga bulan bangud ulihi na nakapasa ang iban nga trabahador sang ginarequire sa ila nga clearances pareho sang NBI clearance kag resulta sang drug test.  Pero magluwas sa mga job hires sa Slaughter House, ginpahayag nga may job hires sa iban nga department sa City Government ang isa ka bulan man nga wala maswelduhan. (JoMaque)