January 18, 2022

Lalaki, gintiro patay sang ‘habal-habal’ driver sa Estancia bangud sa ginpahayag pagpangimon

Read Time:45 Second

Estancia, Iloilo — Patay ang lalaki nga naga-obra sa videoke bar sang gintiro sang ‘habal-habal’ driver sa Poblacion Zone 2, Estancia sang weekend. Gindala pa sa ospital ang biktima nga si Rodolfo Mahinay, 54 anyos sang Brgy. Botongon, Estancia apang napatay bangud sang pilas sa tiyan tuga sang 9mm revolver. Nag-surrender naman ang suspect nga si Patricio Lugto, 49 anyos sang Purok Lagaw, Brgy. Pa-on, Estancia apang nagdepensa nga una siya ginbuno sang biktima sang ice pick apang wala naigo.

Suno kay Chief Inspector Jonah Galicha, hepe sang Estancia Police Station, posible nagpangimon ang biktima suno sa suspetsado bangud sa duha niya ka pasahero sa diin isa dire ang kaupod ni Mahinay sa trabaho. Hubog si Mahinay sang nagluntad ang insidente suno kay Galicha. Ginatinguhaan naman sang pulis nga makuhaan sang statement ang duha ka babaye nga nagsakay sa motorsiklo sang suspect antes ang krimen. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Masobra 10 ka balay nasunog sa Zamora-Milleza, City Proper
Next post Menor de edad nga ginatudlo nagpanguha sang wirings sa patyo, nadakpan