Masobra 10 ka balay nasunog sa Zamora-Milleza, City Proper

Iloilo City — Masobra 10 ka mga balay ang nasunog sa dela rama compound sa barangay zamora-milleza city proper pasado alas 10 subong nga gab-i.  Kalab-anan sa mga balay ang human sa light materials gani madasig nga naglapta ang kalayo. Base sa initial report sang Bureau of Fire Protection ukon BFP, ginabanta sa P200,000 ang balor sang kahalitan sa natabu.   8 ka balay ang totally-gutted samtang 6 ang partially-gutted.    Padayon ang imbestigasyon sang BFP sa kun anu ang ginhalinan sang kalayo.

Nagbunggu-anay ang firetrucks

4 ka bombero ang pilason matapos nagbungguanay ang duha ka bombero sa corner Delgado-Iznart Streets, City Proper. Maresponder kontani sa sunog sa Dela Rama Compound  ang mga bombero sang Jaro kag Federation  sang naaksidente.  Nawasak ang una nga parte sang Fire Buster 3 sang BFP-Jaro matapos nakabunggo sa Federation of Iloilo Fire Brigade Incoporated nga naghalin sa Delgado. Nakabunggo pa ang firetruck sang Federation sa nagaparada nga taxi sa lugar. Napilasan sa aksidente sanday FO1 Jomelle Edrosolano; FO3 Wendel Barientos; FO3 Val Cesar Divinigracia kag FO3 Frankie Octavio. (JoMaque)