Probinsya sang Iloilo, nakarecover na sa kahalitan sang Super Typhoon Yolanda sang 2013

Iloilo —  Nagbalik na sa normal ang palangabuhian sang mga Ilonggo apat ka tuig matapos ang paglaslas sang Super Typhoon Yolanda sang 2013.   Obserbasyon ini ni Provincial Administrator Raul Banias sa iya paglibot sa probinsya. Nakapanghatag ang provincial government sa bulig sang national government kag iban pa nga grupo sang sakayan sa mga mangingisda nga nagub-an sang baroto. Padayon ang mga bulig suno kay Banias kag sa pagkamatuod, manghatag sila buwas upod sa Bureau of Fisheries and Aquatic Resources sang boat materials sa Estancia kag Carles.   Nahatagan man sang assistance ang mga mangunguma. Dugang ni Banias, madamo sang sustainable livelihood programs nga napanghatag sa mga Ilonggo sa bulig sang Department of Social Welfare and Development. Samtang nakabawi na ang turismo sa Northern Iloilo. (JoMaque)