January 23, 2022

Asawa ni Remy Berayi nga isa sa tatlo ka napatay sa engkwentro sa Capiz, indi pa makakumpirmar kon NPA member ang iya bana

Read Time:1 Minute, 1 Second

Iloilo City–Ginasaluduhan ni Atty. Ma. Jovelyn Lopez-Berayi ang iya bana nga si Remy Berayi sang Baldoza Lapaz, isa sa tatlo ka napatay sa engkwentro sang mga tropa sang gobyerno batuk sa ginadudahan mga katapu sang New People’s Army.

Masakit suno kay Mrs. Berayi ang natabu sa iya bana pero ginpadayaw ini bangud sa pagserbisyo sa interest sang ordinaryo nga mga pumuluyo ilabe na sang mga mangunguma. Katapusan nga nakapauli si Remy sang Oktubre 28 subong nga tuig kag nakatawag pa kag nagpangumusta sa iya asawa kag duha ka bata nga babaye sang Nobyembre 4. Gin-ako ni Mrs. Berayi nga masobra 10 ka tuig na nga involved sa legal nga democrative mass movement ang iya bana bilang miembro sang Bagong Alyansang Makabayan kag aktibo man nga student leader sang naga-eskwela pa sila sa West Visayas State University. Tatlo ka bulan ang nakaligad, naglisensya si Remy kay Mrs. Berayi nga mauntat siya sa Bayan bangud sang pamahug sa ila kabuhi kag sa baylo, magaserbisyo na lang sa mga mangunguma.

Indi naman makumpirmar ni Mrs. Berayi kon miembro sang NPA ang iya bana pareho sang hambal sang Philippine Army pero gindayaw ini sang iya asawa sa pagpakigbato sa kinamatarung sang mga pumuluyo. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Hepe sang Mandurriao Police Station kag City Legal Officer, natalana magsapol sa mga establishemento nga wala nagapatuman sang Curfew Ordinance
Next post Councilor Joshua Alim, nagaplano nga maglunsar sang signature campaign batuk sa PECO