Sweldo Sang Mga Pulis Kag Soldado Nga Mabaton Sa Masunod Nga Tuig, Kumpirmado Nga Doble Na

Western Visayas – Kumpirmado na ang pagdoble sang sweldo sang mga pulis kag soldado nga mabaton sa masunod nga tuig.
Ini ang ginpahayag ni Police Director Rene Aspera, Deputy Director personnel ang Records Management sang Camp Crame sang nagbisita siya sa Camp Delgado bilang guest of honor.

Suno kay Aspera, nahambalan na ang lihok sa command conference sang mga matag-as nga mga opisyal sa Camp Crame.

Una na nagpahayag ang Department of Budget and Management nga 100% ang pagsaka sang sweldo sang mga natungdan suno kay Aspera.

Matandaan, ginpromisa ni Presidente Rodrigo Duterte sang kampanya antes ang eleksyon nga pasakaan niya ang sweldo sang mga pulis kag soldado.

(ATT)