Lalaki, nalasakan sang truck sa Dueñas patay

Dueñas, Iloilo — Wala gid natabangan sa ospital si Rommel Palencia matapos nalasakan sang truck nga nagakarga sang mga manok sa Barangay Punong Grande, Dueñas subong nga gab-i. Suno kay Police Senior Inspector Rowena Jovero, hepe sang Dueñas Police Station, halin sa birthday party ang biktima kag pauli na kontani. Ginpahayag madasig nga nagtabok sa karsada ang biktima nga ginreport naka-inum. Gintinguhaan pa ni Edmundo Cuevas sang Negros Occidental, driver sang truck nga likawan apang nalab-ot gid ang biktima. Nagsurrender sa Dueñas Police Station ang driver sang truck. (JoMaque)