2 ka utility personnel sang Iloilo Fishing Port, ginbuno sang guwardiya

Iloilo City — Pilason ang duha ka utility personnel sang Iloilo Fishing Port matapos ginbuno sang guwardiya  kagab-i. Ginkilala ang mga biktima nga sanday Alvin Paloma, 35 anyos kag Albert Rivera, 40-anyos. May pilas sa tyan, wala nga paa kag tuo nga butkon si Paloma samtang napilasan sa tuo nga kamot si Rivera nga gindala sa Iloilo Doctor’s Hospital. Naguwa sa imbestigasyon sang pulis nga hinubog ang ginhalinan sang insidente. Nagsurrender sa pulis ang suspetsado nga si Isagani Amar, 45 anyos sang Barbaza, Antique nga gin-ako ang pagbuno sa mga biktima. (JoMaque)