Mayor Joe Espinosa, matambung sa public hearing sa House Committee on Legislative Franchises angut sa ginahingyo nga renewal of franchise sang PECO

Iloilo City — Matambung si Mayor Joe Espinosa sa public hearing sang House Committee on Legislative Franchises may kaangtanan sa House Bill 6023 ukon ang petition sa renewal sang franchise sang Panay Electric Company.  Ginkonfirmar ni Espinosa nga nakabaton siya sang imbitasyon duha ka semana na ang nakaligad. Nagpa-athag naman si Espinosa nga wala siya sang responsibilidad nga pabal-on ang City Council bangud naka-address sa iya ang imbitasyon bilang alkalde kag indi bilang vice mayor. Nangin full-fledged mayor si Espinosa sang Oktubre 30 matapos nga ginserbe sang DILG ang dismissal order batuk kay anay Mayor Jed Patrick Mabilog. Gin-athag ni Espinosa nga masabat lang siya sa ipamangkot sang mga miembro sang Committee on Legislative Franchises. (JoMaque)