Bangkay sang crew sang fishing vessel, nasapwan nga naga-utaw-utaw sa Estancia

Estancia–Nasapwan nga naga-utaw-utaw sa dagat sa feeder port sang Estancia ang 35-anyos nga crew sang fishing vessel kaina sang aga.

Ginkilala ang bangkay kay Eugene Paguntalan sang Macatunao, Concepcion.

Suno kay Chief Inspector Jonah Galicha, hepe sang Estancia Police Station, posible nahulog sa tubig si Paguntalan pero ipa-autopsy ini bangud may nakita nga pilas nga sa iya ulo.

Ginhold sang Estancia police ang lima ka kaupod ni Paguntalan sa fishing vessel samtang padayon ang imbestigasyon. Ginpahayag nga nag-inom-inom si Paguntalan upod sa iban nga crew kagab-i. (AGB)