(UPDATE) Mga pulis nga naka-engkwentro sang ginapatihan NPA sa Maasin, gindayaw

Maasin, Iloilo–Dalayawon ang kaisog nga ginpakita sang mga pulis nga naka-engkwentro sang suspected new peoples army ukon NPA sa Barangay Bolo, Maasin kagab-i.

Suno kay Police Regional Office 6 Spokesman PSUPT Gilbert Gorero, napakita sang mga katapo sang Regional Mobile Force Battalion ang kagustuhan nga maproteksyunan ang mga pumuluyo. Dapat suno sa iya nga kilalahon ang kabaganihan nga ginpakita sang mga pulis lakip na ang ila pagtinguha nga makabato bisan pa nga ara sila sa disadvantaged position.

Daku suno sa iya ang nabulig sang ka-alerto sang driver sang truck nga hilway nakalab-ut sa patag bisan pa indi maayo ang dalan kag may pil-as sa nabukid nga parte sang Maasin rason nga wala natam-an ang tropa.

Isa ang patay kag 10 ang napilasan sa mga pulis nga gin-ambush kag naka-engkwentro sang ginapatihan miembro sang Central Front Committee sang NPA. (AGB)