Amay sang ginatudlo drug personality nga si Michael Jancillan, gindakup matapos nakuhaan sang pusil kag mga bala sa Pavia

Pavia, Iloilo–Nadakpan ang tatay sang drug personality nga si Michael Jancillan sa Barangay Cabugao Sur, Pavia kaina sang aga.

Suno kay Chief Inspector Fernan Limbungan, hepe sang Pavia Police Station, ginserbe ang search warrant sa balay sang subject nga si Guillermo Jancilan, 60-anyos, may kaangtanan sa illegal nga paghupot sang armas. Nakuha sa balay sang subject ang caliber 357 revolver kag walo ka bala sang caliber 38.

Ang subject, amay ni Michael Jancillan nga ginatudlo tinawo ni the late PDEA identified drug group leader Melvin Odicta. (AGB)