Councilor R Leone Gerochi Mapasa Sang Iya Committee Report Natuhoy Sa Ginpahayag Overbilling Sang PECO Kon Handa Na Siya

Iloilo City – Mapasa si Councilor R. Leone Gerochi sang Committee Report sa alleged overbilling sang Panay Electric Company ukon PECO kon handa na siya.

Sabat ini ni Gerochi sang ginpamangkot sang Aksyon Radyo kon naka-obra na siya sang report sa imbestigasyon sang komitiba nga iya gina-uyatan, ang Committee on Transportation, Energy and Public Utilities sa mga reklamo batuk sa PECO. Marso subong nga tuig sang ginhimo ang public hearing sa diin wala nagtambung ang PECO kag ginrason lang nga indi proper venue ang Konseho sa ila pagsabat sa mga reklamo.

Plano naman ni Vice Mayor Jeffrey Ganzon nga istoryahon si Gerochi kon ngaa na-delay ini sa pagpaguwa sang iya report. Base sa internal rules sang City Council, indi dapat maglapaw sa 60 ka adlaw ang pagpasa sang committee report.

(ATT)