5 ka teenagers, patay matapos nalumos sa Dumangas!

Dumangas, Iloilo–Nalumos-patay ang lima ka pamatan-on sa baybayun sang Brgy. Bacay, Dumangas kaina sang aga.

Suno sa 13-anyos nga si alyas Toto, isa sa duha ka nasalbar sa pito tanan nga nagpaligo, hinali lang nagdalagko ang balud rasun nagpahigad na siya apang nagpabilin ang iya mga kaupdanan. Magluwas kay Toto, safe man ang upod nila nga si Francis Roque, 23-anyos sang Brgy. Victoria, Dumangas.

Ginkilala ang mga napatay kanday Ken Sidora, 16 sang Barangay Lacturan, Dumangas; Roger Bautista, 16 sang Victorias, Dumangas; Volther Jade Derutas, 16 sang Lacturan, Dumangas; kag ang mag-utod nga Stephen, 14, kag Jan Karlo Lopez,16, lunsay pumuluyo sang Sta. Maria, Bulacan.

Ginpahayag sang iloy ni Ken nga si Analyn Sidora nga nakabalo maglangoy ang iya bata apang posible nga nag-uyatay sila sang mga upod rason nadala siya sa mga nalumos. (AGB)