(UPDATE) Hepe sang Sibalom, Antique MPS, nangayo sang police augmentation

Sibalom, Antique–Naghingyo na sang police augmentation si Inspector Clark Philip Dinco, hepe sang Sibalom MPS, matapos nakabaton sang impormasyon nga pagasudlon sang New People’s Army ang police station.

Nagpadala si Antique Police Provincial Director PSSUPT Leo Erwin Agpangan sang bastante nga police force sa Sibalom, dugang nga bala kag mga pusil agud ibato sa NPA. Nag-coordinate man si Dinco sa Philippine Army ilabi na sang air support kon hinali nga dayunon sang mga miyembro sang NPA ang pagsulod sa police station

Nagapati si Dinco nga may mga tawo ang NPA sa Poblacion bangud sang naglibot siya sa public plaza, may nagtext sa ila hotline number kag naglaragway sang iya nga ginasuksok. (AGB)