Lalaki sa Dumangas, nasapwan nga patay kag may pilas!

Dumangas, Iloilo–Nasapwan ang bangkay sang lalaki sa talamnan sa Barangay Victorias, Dumangas.

Ginkilala ini kay Roland Demesa, 47-anyos sang Sapao, Dumangas. Suno kay PO3 Joemary Balisang, imbestigador sang Dumangas Police Station, may pilas sa dughan kag leog si Demesa nga posible tuga sang pagbuno.

Katapusan nga nakita si Demesa nga nagasaut pasado alas-12 kaina sang kaagahon sa Barangay Victorias nga nagselebrar sang kapiestahan kahapon. Ginpahayag ni PO3 Balisang nga ang iya mismo pamilya ang nag-identify sa biktima.

Padayon ang imbestigasyon sang mga pulis ang natabu. (AGB)