Pagpa-install sang CCTVs sa 6th Floor sang City hall, nagadepende sa konseho kon padayunon ukon indi

Iloilo City —  Naga depende na sa City Council kun padayunon nila ukon indi ang pag pa install sang CCTV cameras sa Session Hall kag sa Conference Rooms sang City Hall. Suno kay Mayor Joe Espinosa, proyekto niya ini sang bise alkalde pa siya. Tinutuyo sang CCTVs ang seguridad sang mga yara sa 6th floor kag indi para i monitor ang kun ano man ang gina instoryahan. Gin klaro man niya nga wala sang audio ang iga-install nga CCTVs. Matandaan nga ginkwestyon sang konseho ang pagpa-install sang CCTVs kag temporaryo nga ginpauntat ang installation tubtob masabat ang ila mga pamangkot. (JoMaque)