Asawa, ginbuno patay sang bana nga ginapatihan may nervous breakdown

Cabatuan, Iloilo — Kaso nga parricide ang ginapangatubang sang bana nga nagbuno patay sa iya asawa sa Cabatuan sang Disyembre 8 sang kaagahon. Suno kay SPO4 Daria Tabares, Deputy Chief of Police sang Cabatuan Police Station, antes ang krimen, nagbaisay ang mag-asawa nga alyas Jay, 33 anyos kag alyas Kring-Kring, 33-anyos tubtub nagdesisyon ang asawa nga bulagan ang iya bana. Posible suno kay SPO4 Tabares nga gin-abot sang nerbyos ang bana gani ginbuno sini ang asawa nga naigo sa wala nga ilok. Wala naman sang ideya si Tabares kon ano ang ginba-isan sang mag-asawa. Nadakpan ang bana sa follow-up operation sang Cabatuan Police. (JoMaque)