ArchivesLokal

3 ka ginatudlo miembro sang grupo nga modus ang pagpangawat sa mga malls sa syudad, nadakpan

Iloilo City —¬†Arestado ang tatlo ka ginatudlo mga miembro sang grupo nga nagapangawat sa malls sa syudad sa operasyon sang mga pulis. Una nga nadakpan ang nagpakilala nga si Marjorie Baytos, 24-anyos sang Dagat-Dagatan, Caloocan City ala-1 kaina sang hapon. Sang gin-usisa, gintudlo sini ang iban pa nga kaupdanan gani nadakpan man ang nagpakilala nga sanday Nash Nimbre sang Baguio City kag Gerald Javier sang Lanit, Jaro. Gina-imbestigaran sang mga pulis kon matuod nga pangalan ang ginhatag sang mga nadakpan bangud wala sila sang ginpakita nga IDs. Suno kay Gerald, modus nila nga tingub magkadto sa mall. Isa ang nagabantay sa guwardya samtang ang iban ang nagamaniobra nga mapaguwa ang items. Pila lang sa ginakuha sang grupo ang gatas, canned goods kag RTWs. Suno kay Gerald, ginapadala nila ang matipon nga items sa Manila kag didto ginabaligya. Ang ila naman nga mga kaupod sa Manila, nagapadala sang ila kinawatan sa Iloilo kag diri ginabaligya. Ginapreparar na ang kaso nga ipasaka batuk sa mga suspek.¬† (JoMaque)

Leave a Reply