Former Health Secretary Paulyn Jean Ubial Gintudlo Si 1st District Congressman Richard Garin Nga Nagrequest Sa Expansion Sang Dengue Vaccine Program

Philippines – Gintudlo ni former Health Secretary Paulyn Ubial si Congressman Richard Garin nga nagrequest agud i-expand ang dengue program.

Pahayag ini ni Ubial sa Senate investiation kahapon sa kontrobersyal nga Dengvaxia dengue vaccine.  Suno kay Ubial, sa budget hearing sang Committee on Appropriations sa Congress sang Agosto 14 subong nga tuig, ginhambalan siya ni Garin nga magbakal sang dugang nga dengue vaccine kag ibutang sa 2018 budget. Ginbasa man ni Ubial ang minutes sang nasambit nga budget hearing. Ginpahayag ni Ubial nga ginpamatukan niya ang expansion sang dengue vaccination program sang siya ang Health Secretary apang ginpressure siya nga padunon ang programa.

Nanginwala naman si Congressman Garin nga ginpressure ukon ginpahug si Ubial. Ginpahayag sang kongresista nga indi siya kabahin sang Commission on Appointments nga nagdeny sang appointment ni Ubial.

(ATT)