Pagpalupok sang firecrackers sa wala gindesignar nga lugar, ginadumilian base sa IRR sang Executive Order 28 ni Presidente Rodrigo Duterte

Iloilo City–Ginadumili ang pagpalupok sang anuman nga firecrackers sa ugsaran ukon sa dalan base sa implementing rules and regulations sang Executive Order Number 28 ni Presidente Rodrigo Duterte.

Ginpaathag ni Senior Supt Jomel John Trio, chief sang Regional Civil Security Unit ukon RCSU 6, nga pasugtan lang ang pagamit sang pyrotechnics pareho sang pasirit kag luces sa guwa sang community fireworks display area. Ang iban pa nga palupok magluwas lang sa ginban nga firecrackers ang dapat palukpon sa fireworks display area. Kinahanglan suno kay Trio nga malayo sa mga pamalay ang igadesignar nga community fireworks display area sang isa ka barangay ukon banwa.

Dapat man nga may naka-istambay na nga emergency response team sa lugar para sa anuman nga emerhensya.

Base sa Memorandum Circular 2017-168 nga ginpaguwa ni DILG OIC Catalino Cuy sang Disyembre 19 subong nga tuig, ginapasugtan ang pagamit sang pyrotechnics pareho sang pasirit kag luces sa guwa sang community fireworks display area. Ginadumilian naman ang pagpalupok sang firecrackers nga may unod nga masobra duha ka gramo nga pulbura. Samtang ginhalimbawa sa Memorandum Circular nga ban ang piccolo, super lolo, whistle bomb, goodbye Earth, atomic big triangulo, judas belt kag watusi. (AGB)