Former DOH Sec. Janette Garin, pabor nga tapuson ang 3 ka dosage sang Dengvaxia sa mga benefiaries sang dengue vaccine program sang DOH

Iloilo City — Pabor si former Health Secretary Janette Garin nga tapuson ang tatlo ka dosage sang Dengvaxia sa mga benefiaries sang dengue vaccine program sang Department of Health.   Suno kay Garin, makabenepisyo sa 93% sang mga Filipinos ang Dengvaxia. Gin-athag man suno sa iya sang World Health Organization sa Geneva sa ila ginpaguwa nga statement sang Disyembre 22 subong nga tuig nga indi makamamatay ang Dengvaxia. Base sa pahayag sang WHO Geneva suno kay Garin, nagahagan-hagan kag nagakadula ang epekto sang Dengvaxia sa mga nabakunahan apang wala pa na-expose sa dengue pagkatapos sang duha ka tuig.

Ginsuspender sang pagbaligya sang Dengvaxia sa Pilipinas subong nga bulan matapos nagpa-andam ang naghimo nga Sanofi Pharmaceutical nga makadala ini sang ‘severe’ dengue sa mga wala pa na-infect sang dengue. Ginpahayag ni Garin nga handa siya mag-atubang sa mga kaso nga ginpasaka kasunod sang kontrobersiya agud maathagan ang tanan sa isyu. Sa pagpamuno ni Garin sa idalum sang Aquino administration ginbakal ang Dengvaxia kag ginsuguran ang dengue vaccine program sa mga Grade 9 pupils sa pila ka rehiyon sa pungsod. (JoMaque)