6 ka balay sa Imbang Pequeño San Enrique, naguba bangud sa pagkatiphag sang duta sa pangpang sang suba;

San Enrique, Iloilo — Gin-cordon ang area bangud delikado. Nagresponder sa area ang disaster team sang banwa upod kanday Mayor Trixie Fernandez kag Liga President Joe Fernandez. Suno kay PSI Norbert Sipole, hepe sang San Enrique MPS, ang iban pa nga nagub-an sang balay amo sanday Artelino Panes; Noel Datoon; Analiza Baylon; Romulo Bolivar; Noe Datoon kag Norji Datoon.

75-anyos nga lalaki, patay sang nakita nga naguba ang iya balay

Patay ang 75-anyos nga lalaki matapos naglain ang pamatyag sang nakita nga naguba ang iya balay sa pagkatiphag sang duta sa pangpang sang suba sa Imbang Pequeño, San Enrique.   Suno kay Mayor Trixie Fernandez, nagpa-aso lang sa barangay hall si Elecito Arellano bangud may hapo.  Natabuan gid nga natiphag ang duta sang nagapauli na sila sang iya nga asawa gani posible nga gin-atake sang hapo ukon gin-cardiac arrest ang tigulang suno sa alkalde.

Mahimo suno kay Fernandez nga naghumok ang duta bangud sa sige-sige nga pag-ulan sang Martes dala sang Bagyo Agaton gani natiphag.  Sa record sang San Enrique Police Station suno kay Senior Inspector Norbert Sipole, nagub-an man sang balay sanday Artelino Panes, Noel Datoon, Analiza Baylon, Romulo Bolivar, Noe Datoon kag Norji Datoon. Nagresponder ang disaster team sa area kag gincordon ang lugar bangud nga delikado. (JoMaque)