Mag-abyan nga nag-inaway bangud sa utang nga P50, nag-areglohanay
Iloilo City — Ginpakamaayo sang mag-abyan nga alyas Loen, 18-anyos (naka-t-shirt) kag alyas Kevs, 17 anyos (naka-jersey shirt), lunsay sang West Habog-Habog, Molo nga aregluhon ang ila gamu bangud sa utang nga 50 pesos. Una nga nagreklamo sa Molo Police Station si Loen nga ginhandus sang kutsilyo ni Kevs matapos siya ginsukot sang iya utang kahapon. Sa alegasyon ni Loen, nagbaisay pa sila ni Kevs tubtub nga ginhandus siya sang kutsilyo sang makapila ka beses. Apang maswerte nga wala naigo si Loen bangud sa pagresponder sang barangay tanod.
Suno naman kay Kevs, wala siya sang plano nga magbatu kay Loen apang napikon siya sang ginhangkat siya sang tapungulay matapos ini nagbayad sang utang. Ginpanghiwala man sini nga ginhandus niya sang kutsilyo si Loen.
Sang ulihi, nag-atubangay kag nagpasensyahanay ang mag-abyan para indi na magproblema ang ila mga ginikanan. (JoMaque)