ArchivesLokal

Councilor Plaridel Nava, handa mag-atubang sa konsekwensya sa iya partisipasyon sa kontrobersiyal nga towing deal sang syudad nga nangin rason sang ikaduha nga dismissal order kay former Mayor Jed Patrick Mabilog

 Iloilo City–Handa si Councilor Plaridel Nava nga atubangon ang konsekuwensya sang iya nangin partisipasyon sa kontrobersyal nga towing deal nga ginpirmahan ni former Mayor Jed Patrick Mabilog sa tunga sang city government kag 3L Towing Services para sa implementasyon sang clamping ordinance.

Kasunod ini sang pagpaguwa sang Ombudsman sang ikaduha nga dismissal order ni Mabilog. Bisan wala nakahibalo si Nava sang kabug-aton sang iya administrative liability sa kaso, nagapasalamat siya nga ginhatagan siya sang chansa sang Ombudsman nga makapa-athag matapos ginmandu sa Office of the Ombudsman Visayas ang pagconduct sang fact-finding investigation batuk sa konsehal sa posible kaso administratibo batuk sa iya.

Suno sa konsehal, kun may penalidad gid man siya, nagalaum siya nga indi ini mangin pareho kay Mabilog. (AGB)

Leave a Reply