Polical career ni former Mayor Jed Patrick Mabilog, tapos na suno kay former DILG Director Atty. Nory Posecion

Iloilo City — Tapos na ang political career ni former Mayor Jed Patrick Mabilog. Opinion ini ni Atty. Nory Posecion matapos nag-isyu ang Ombudsman sang ikaduha nga dismissal order kay Mabilog matapos napamatud-an nga guilty sa kaso nga Grave Misconduct, Serious Dishonesty kag Conduct Prejudicial to the Best Interest of the Service. May kaangtanan ini sa Towing deal upod sa 3L Towing Services nga ginsudlan ni Mabilog sang siya pa ang Mayor sang 2015. Gin-akusaran ni Councilor Plaridel Nava sa supplemental affidavit sini sa complaint affidavit ni journalist Manuel Mejorada nga dummy proprietor lang si Leny Garcia kag gintudlo si Mabilog nga tag-iya sang 3L.

Ginpahayag ni Atty. Posecion nga bisan makafile sang petition ang kampo ni Mabilog sa ikaduha nga dismissal order, wala man gihapon sang epekto bangud pinal na ang una nga dismissal sa anay alkalde. Ini bangud gindismiss sang Court of Appeals ang petition ni Mabilog nga baliskaron ang desisyon kag wala na ginpadayon ang proseso tubtob kuntani sa pinakamataas nga korte. Nag-lapse naman ang period para makafile si Mabilog sang petition for review sa una nga dismissal order. Dapat man nga iserve suno kay Posecion ang dismissal order bisan nga wala na sa pwesto si Mabilog. (JoMaque)