MIWD Legal Counsel Atty. Roy Villa, Nagapati Nga Wala Sang Legal Nga Basehan Ang Pagpa-Imbitar Ni Mayor Joe Espinosa Sa Ginsudlan Nga JVA Sang Water District

Iloilo City –  Istoryahan sang Board of Directors sang Metro Iloilo Water District kon matambung kon ma-imbitar sang City Council sa ila imbestigasyon angut sa 12.3 billion peso joint venture agreement sang water district upod sa MetroPac Water Investments Corporation.

Pahayag ini ni Atty. Roy Villa, Corporate Legal Officer sang MIWD, matapos nagpadala na sang sulat si Mayor Joe Espinosa sa Konseho nga nagarequest sang imbestigasyon sa ginsudlan nga JVA sang water district. Ginpahayag ni Espinosa nga wala siya sang ideya sa programa gani dapat imbestigaran kag himuan sang ordinansa sang konseho agud maproteheran ang mga konsumedor.

Sa opinion ni Villa, wala sang legal nga basehan agud imbestigaran sila sang City Council in aid of legislation. Mahimo suno kay Villa nga appointing authority sang Board of Directors ang alkalde ukon ang gobernador pero indi sila sakup sang Sangguniang Panlungsod. Dugang ni Villa, gina-government ang water district sang national law.