Subject sa Buy Bust Operation sa Mandurriao, Arestado!
Iloilo City – Nadakpan ang subject sang buy bust operation sang Mandurriao Police Station Drug Enforcement Team sa Oñate-De Leon kahapon sang hapon. Suno kay Chief Inspector Juvy Navales, hepe sang Mandurriao Police Station, nabaklan si Kenneth Origen, 20-anyos, sang isa ka sachet sang suspected shabu balor isa ka libo ka pesos. Sang gin-usisa, nakuha pa gid sa iya ang 23 ka sachets sang suspected shabu. Ginabanta P100,000 ang street value sang nakuha kay Origen.Gindakup man si Dan KC Java, 25-anyos, matapos natabuan nga kaupod ni Origen sang ginhimo ang operasyon. Ginpahayag ni Navales nga positibo ang test buy nila kay Origen sang Disyembre sang nagligad nga tuig gani ginhimo ang buy bust operation. Ginatudlo nga halin sa Bakhaw, Mandurriao ang drug supply ni Origen. (NemesioMartirez)