Duha, arestado sa buy bust operation sa Desamparados, Jaro

Iloilo City–Arestado sa drug bust operation sang Regional Drug Enforcement Agency ukon RDEU ang duha ka ginapatihan nagabaligya sang illegal nga druga sa Barangay Desamparados, Jaro kaina sang aga.

Ginkilala ang mga nadakpan kanday Ronnie Fajardo, 45-anyos sang Tap-oc, Molo, kag Jobert Amolong sang San Isidro, Jaro nga nakuhaan sang 41 ka sachets sang suspected shabu. Narecover man sang duha ang P1, 500 nga buybust money kag duha ka cellphones.

Suno kay PSI Kennith Bermejo, head sang RDEU, source gihapon sang illegal nga druga ang Bakhaw, Mandurriao kag ginahimo ang transaksyon paagi sa cellphone.

Pareho nga gin-ako nanday Fajardo kag Amolong nga nagabaligya sila sang illegal nga druga. Si Amolong ang nakaagi preso bangud man sa pagbaligya sang illegal nga druga. (AGB)