PDEA, magahire sang dugang nga ahente sa Pebrero

Iloilo City — Nagakinahanglan ang Philippine Drug Enforcement Agency sang dugang nga mga ahente sa mga anti-illegal drug operations.   Gin-engganyo ni PDEA 6 Spokesperson David Garcia ang mga interesado nga magkadto sa ila opisina sa Fort San Pedro kag magpasa sang mga requirements. Mahimo nga maka-apply ang babaye ukon lalaki nga naga-edad 21 tubtob 35-anyos, 5 feet ang kataason sang babaye kag 5’2 sa lalaki, holder sang Baccalaureate Degree, kag Career Service Professional Eligible ukon Board Passer.

Sa mga interesado, magpasa lang sang letter of application nga naka-address kay PDEA Director General Aaron Aquino, Personal Data Sheet nga may mobile number kag email address sang aplikante nga mahimo madownload sa website sang Civil Service Commission, photocopies sang NSO-issued Birth Certificate, Official Transcript of Records, college diploma kag Certification of Eligibility. Kon wala naman nakalab-ut sa height limit ang applicant nga miembro sang ethnic group, mahimo makakuha sang height waiver halin sa National Commission on Indigenous People.

500 ka agents ang kinahanglan sa bug-os nga pungsod suno kay Garcia kag mahimo maka-apply sa Pebrero apang pwede na nga magpasa sang mga requirements subong..// Nagalaum ang PDEA 6 nga madugangan ang ila mga ahente kon makapang-hire na sang dugang nga tinawo ang ahensya. (JoMaque)