Cong. Jerry Treñas, nanindugan nga wala sang iregularidad sa pagtukod sang Iloilo Press Club Building

Iloilo City — Wala sang iregularidad sa pagpatindog sang Iloilo Press Club building sa Brgy. San Pedro, Molo, 15 ka tuig na ang nakaligad.  Ginpanindugan ini ni Iloilo City Lone District Congressman Jerry Treñas kasunod sang pagpapanaug sang sandiganbayan sang 90-day preventive suspension batuk sa iya. Suno sa kongresista, ginsunod ang tanan nga proseso sa proyekto nga ginpatuman sang siya pa ang mayor sang syudad sang 2003.  Ang kaso may kaangtanan sa P500,000 nga financial asssitance ni Senator Loren Legarda sa ginpatindog nga IPC building nga ginpaagi sa city government.  Handa si Trenas nga magsunod sa mandu sang Sandiganbayan kon iserbe sa iya ang suspension order. (JoMaque)