(UPDATE) Pulis nga gintudlo mastermind sa pagpatay sa empleyada sang Sara municipal government, nadakpan

Sara, Iloilo–Na-aresto sang gintingub nga puwersa sang NBI, CIDG, Mobile Maneuvering Platoon kag Sara kag Concepcion police ang pulis nga gintudlo mastermind sa pagpapatay sa empleyada sang Sara-local government unit sa kalan-an sa Concepcion.

Ginkilala ni PSI Gilbert Baldevarona, hepe sang Sara Police Station, ang pulis kay PO2 Kevin Piosca, assigned sa Sara Police Station. Nadakpan ini sa iya balay sa Barangay Bondolan, San Dionisio.

Karelasyon sang biktima nga si Mae Luzuriaga si PO2 Piosca. Soltero ang pulis samtang bulag naman sa bana ang biktima. Ginpahayag nga ginpromisahan sang pulis ang babaye nga pakaslan ini pero masami niya ini ginapangayuan sang kuwarta bangud mahilig ini magbulang.

May testigo suno kay Baldevarona nga nagtudlo kay Piosca nga amo ang mastermind sa pagpatay kay Luzuriaga. Na-aresto man ginpahayag triggerman nga si Edmar Camangyan alyas Bano sang Preciosa, Sara.

Nagakaun sa restaurant sa Concepcion si Luzuriaga upod ang iya officemate kag timbang sang gintiro sang suspetsado. (AGB)