2 patay, 4 pilason sang nabunggu-anay ang Mitsubishi L300 FB van kag 10-wheeler wing van sa Oton
Oton, Iloilo — Una gindeklarar nga napatay si Ranier Grecia nga driver sang L300 FB van sang nagbunggo ini sa 10-wheeler wing van sa Pulo Maestravita, Oton kagab-i. Ginkumpirmar ni PO3 Randy Flores sang Oton Police Station nga dead-on-arrival sa Western Visayas Medical Center si Grecia. Napatay man samtang ginabulong sa WVMC kaina sang kaagahon si Romeo Veloso nga sakay man sang L300 FB van. Pilason kag padayon nga ginabulong sa ospital sanday Fremon Bito-onon, Marte Buenavista, Angelo Bernardo samtang out-patient si Ronel Diaz sang Bungca, Barotac Nuevo.
Sanday Grecia, Veloso kag Bito-onon ang mga empleyado sang First Peak nga supplier sang tubig sa Savannah Subdivision.
Gincustody sang Oton police ang driver sang wingvan nga si Jerry Tingal sang Taboso, Negros Occidental kag iya helper nga si Mark Tubida sang Victorias City. Suno kay Tingal, halin sila sa Cebu kag pakadtu sa Robinson’s Antique agud magdul-ong sang mga appliances. (JoMaque)