Mag-utod nga mangingisda sa Tigbauan nga na-missing sang Disyembre 30, natalana i-transport pabalik sa Iloilo halin sa Palawan
Iloilo — Naka-abot na sa port sang Narra, Palawan ang mag-utod nga mangingisda sa Tigbauan nga una ginreport namissing sang Disyembre 30,2017. Suno kay Coast Guard Iloilo Station Commander Ramil Palabrica, 4:30 P.M., kaina sang gindul-ong sang F/V Alyss 1 kanday Reyland,24-anyos kag Renilo Fernandez, 22-anyos sa Port sa Narra. Gindala na sa ospital ang mag-utod para sa medical check up. Naga-istar subong ang mag-utod sa ila himata sa Narra nga si Emily Suello. Natalana iturn-over ang mag-utod sa Coast Guard Puerto Princesa bwas. Kon mag-ayo ang panahon bwas suno kay Palabrica kag may available nga byahe sang barko halin sa Palawan pakadto sa Iloilo, itransport gilayon ang mag-utod. Ginpabutyag sang pamilya sang mag-utod nga excited na sila nga makita ang ila himata. (JoMaque)