IPPO, nag-imbestigar na sa kaso ni PO2 Keven Piosca nga gintudlo mastermind sa pagtiro-patay sa empleyada sang Sara LGU
Iloilo City — Nakasugod na imbestigar ang Iloilo Police Provincial Office sa kaso administratibo nga atubangon ni PO2 Keven Piosca, ang ginatudlo mastermind sa pagpatay kay Mae Luzuriaga nga empleyada sang Sara Local Government Unit. Suno kay IPPO Director Marlon Tayaba, ginrelieve si PO2 Piosca halin sa Sara Police Station kag ginsaylo sa Provincial Holding and Accounting Unit. Bisan preso na sa NBI 6 si Piosca, ginrelieve si Piosca suno kay Tayaba agud nga makahimo sila sang imbestigasyon batuk sa pulis. Posible kaso nga grave misconduct ang ifile kay PO2 Piosca nga una na ginpasakaan sang kaso nga murder.
Ginapanginwala ni Piosca ang akusasyon bisan nga siya ang gintudlo nga mastermind sa krimen sang nag-ako nga triggerman nga si Denmar Camangyan kag sang kaupod sa trabaho ni Luzuriaga nga si Ramona Magbanua. (JoMaque)