ICLAJODA Nagsuhestyon Nga Sayluhon Sa Apat Ka Minor Roads Ang Mga Kiosko Nga Nagabaligya Sa Dalan Sa Guwa Sang Jaro Plaza

Iloilo City – Ginsuhestyun ni Iloilo City Loop Alliance of Jeepney Owners and Drivers Association President Boyet Parcon nga sayluhon sa apat ka minor roads ang mga kiosko nga nagabaligya sa dalan sa guwa sang Jaro Plaza angut sa Jaro Agro-Industrial and Charity Fair.

Ginhimo ini ni Parcon sa sinapol nga ginpatawag ni Task Force ASIS Head Bobby Dumanil kahapon sang hapon.Mas maayo suno kay Parcon nga sayluhon ang mga kiosko sa dalan Arguelles, Jalandoni, Libertad kag Burgos agud safe ang mga bumalakal kag malikawan ang pagpugok sang trapiko.

Nagpasalig si Dumanil nga ipalab-ut ang suhestyun kay Mayor Joe Espinosa.

Nagsulat ang ICLAJODA kay Mayor Espinosa nga nagapamatuk sa pagbutang sang mga kiosko sa national road kasunod sang mga reklamo nga nagutok ang trapiko.

Halos duha ka lanes ang nasakup sang mga kiosko apang ginpa-isol sang Task Force ASIS sang isa ka metro pahigad kasunod sang nabaton nga mga reklamo.A

(ATT)