Mayor Joe Espinosa, nagpanindugan nga legal ang pagpahamtang niya sang mga kiosko sa guwa sang Jaro plaza
Iloilo City — Ginpanindugan ni Mayor Joe Espinosa sa iya sulat sa DPWH nga legal ang iya pagpahamtang sang mga kiosko sa palibot sang Jaro plaza bangud ginbasehan niya ang Local Government Code. Ginrason man sang alkalde nga bisan ang mga punong barangay ang may awtoridad nga temporaryo nga magpasirado sang dalan.
Ang pahayag ginhimo ni Espinosa kasunod sa sulat sang DPWH Engineering District nga nagapamangkot kun ano ang legal basis sang alkalde bangud mapasar sang resolution si Councilor Joshua Alim nga naga-request sa DPWH nga idemolish ang mga kiosko sa gwa sang Jaro Plaza. (JoMaque)