LTO 6, nagahulat pa sang IRR angut sa pag-release sang mga license plates

Iloilo City — Nagahulat pa sang implementing rules and regulations ukon IRR ang Land Transportation Office ukon LTO 6 angut sa pag-release sang mga license plates.  Kasunod ini sang pagbawi sang korte suprema sang temporary restraining order sa pag-release sang 700,000 ka mga plaka. Suno kay ms. Nanette Deocampo, Chief Admin Officer kag spokesperson sang LTO 6, wala pa siya sang numero kon pila ka license plates ang iga-issue sa Region 6.  Sa tion suno sa iya nga makabaton sang IRR ang regional office, masugod man sila sa pag-issue sang license plates.

Sa mga salakyan naman nga ginbaligya, ginpahayag ni Deocampo nga ang bag-o na nga tag-iya ang makuha sang license plates. Kinahanglan lang suno sa iya nga ipresentar sini ang Official Receipt kag Certificate of Registration (OR-CR) bilang proof of ownership agud makuha ang plaka sang salakyan. (JoMaque)