‘Madangup sa korte’

Iloilo City–Madangup sa korte ang supplier sang mga manok nga ginpanagtag sa pila ka 4Ps beneficiaries sang syudad agud kuwestyunon ang desisyon sang city government nga indi na siya pagbayaran.

Masubo suno kay Mr. Gaspar Igona, tag-iya sang Foodwealth Agro-Vet Trading, ang nangin rekomendasyon sang ad hoc committee bangud wala nabalik sa iya ang masobra tunga sa milyon ka pesos niya nga gingasto sa pagsagod kag pag-deliver sang 2, 875 ka mga pisu. Imposible man suno kay igona nga bawion niya ang una nga batch sang mga manok nga ginpanagtag bangud sigurado nga indi na ini pag-ibalik sang mga benipisaryo.

Ginpaathag ni Igona nga wala siya sang iban nga interest sa pag-supply sang mga manok sa city government kundi ang mag-negosyo. (AGB)