January 25, 2022

Maestra sa Tigbauan, gintiro naospital

Read Time:48 Second

Tigbauan, Iloilo — Pilason ang 26-anyos nga manunudlo matapos gintiro sa Sitio Barocanan, Brgy. Dorong-an, Tigbauan. Suno kay Senior Inspector Hermogenes Eulatic, hepe sang Tigbauan Police Station, may pilas sa magtimbang nga tuhod kag wala nga kamot ang biktima nga ginkilala kay Lany Tamagos, pumuluyo sang Brgy. Buenavista, Tigbauan kag manunudlo sa Tigbauan National High School. Base sa imbestigasyon sang pulis, nagasakay ang biktima sa tricycle kag papauli na sang gintiro sang wala makilal-an nga suspect. Ginpahayag nagpara ang suspect sa tricycle nga ginsakyan ni Tamagos kag hinali lang siya ginpalapitan kag gintiro. Wala naman napilasan ang mga estudyante nga upod sang biktima nga nagasakay sa tricycle. Suno kay Tamagos, indi niya kilala ang nagtiro sa iya. Padayon pa ang imbestigasyon sang pulis sa motibo sa krimen. Nagapati si Eulatic nga indi tuyo sang suspect nga patyon ang biktima kundi luyag lang sini “i-paralyze.” Padayon nga ginabulong sa West Visayas State University Medical Center ang biktima. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo Freedom Grandstand, natalana nga idemolish suno kay Mayor Joe Espinosa
Next post (UPDATE) Maglive-in nga nadakpan sa buy bust operation sa Dumangas RORO Port, napasakaan na sang kaso