5 ka menor de edad, nalakip sa 6 ka mga suspects sa gang rape sa Mandurriao

Iloilo City — Lima ka mga menor de edad ang nalakip sa 6 ka mga suspects nga ginpahayag nag-gang rape sa 15 anyos nga dalagita sa Mandurriao. Base ini sa pinakaulihi nga imbestigasyon sang Mandurriao police. Suno kay Chief Inspector Juvy Navales, hepe sang Mandurriao Police Station, lakip sa mga suspects ang mag-amay nga nag-ako naghimulos sa dalagita. Gindakup kag ginpreso ang mag-amay apang nakaguwa sa karsel bangud nagtapos ang reglementary period of detention. Nagpamalibad naman nga magpa-interview ang mag-amay. Ginahulat na lang sang pulis ang resulta sang medical examination kay alyas Nene para mapasaka ang kaso batuk sa mga suspetsado. (JoMaque)