January 25, 2022

Suspect Sa Pagtiro Sa Maestra Sa Tigbauan Nakilala Na

Read Time:1 Minute, 7 Second

Municipality sang Dueñas – Na-identify ang ginatudlo nagtiro sa maestra sang Tigbauan National High School sang Enero 29 sang hapon.

Ang live-in partner mismo ni Henry Hermogenes, 39-anyos sang Intaluan, Pototan apang naga-istar na Angare, Dueñas, ang nagkonfirmar nga bana sini ang angkas sang motorsiklo nga na-capture sang CCTV camera kag gin-identify sang biktima nga si Lany Tamagos nga amo ang nagtiro sa iya.

Suno kay Connie, positibo siya nga bana niya ang angkas matapos ginpakita sang Tigbauan police sa pagpanguna ni Senior Inspector Hermogenes Eulatic ang CCTV footage apang wala siya sang ideya kon ngaa nakalab-ut sa Tigbauan si Henry. Enero 15 subong lang nga tuig suno kay Connie sang nagsugod obra sa Roxas City ang iya bana kag nagadeliver sang seafood sa mga restaurants sa Iloilo City.Enero 28 sang katapusan nga nagpauli si Henry apang indi na ma-contact ni Connie.

Sa pagkahibalo ni Connie, wala sang pusil si Henry kag wala man sang iban nga kaso. Duha ka tuig na nga naga-istar sa Dueñas ang maglive-in partner kag may ara sila duha ka kabataan.

Hipuson naman ang pagkilala ni Angare, Dueñas Barangay Kagawad Bernie Gene Nanggan kay Henry. Suno kay Nanggan, kaupod nila si Henry kon magbulang. Nakamuno man suno sa iya si Henry nga handler siya sang mga manok sa Miagao.

(ATT)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Hepe Sang Mandurriao Police Station, Natalana Magsumiter Sang Complaint Report Sa City Legal Office Sa Pagsulod Sang Menor De Edad Sa Bar Sa Smallville Complex Bisan Curfew Hours
Next post Ginpahayag Pagpahalin Sa PDP-LABAN Sang Mga Nagsumpa Nga Mga Mayors Nga Nalakip Sa Narco List Ni Presidente Rodrigo Duterte, Fake News Suno Kay Governor Art Defensor